Установите Flash player для полного просмотра сайта!
  Эсас Тарих Репертуар Труппа Хаберлер Фестиваллер Макъалелер Галерея Контактлар Официальные документы  
 
Установите Flash player для полного просмотра сайта!
Установите Flash player для полного просмотра сайта!

КРЫМСКИЙ КОВЧЕГ

"ХАЯТ" спектакльнинъ ПРЕМЬЕРАСЫ ОЛЫП КЕЧТИ!

Дата добавления: 2017-01-25

Просмотров: 1772

Январьнинъ 24-инде Къырымтатар миллий театримизде "ХАЯТ" адлы психологик драмасынынъ нумайышы олып кечти. Спектакльнинъ режиссеры Озьбекистанда нам къазангъан артист Валихан Умаров. 

Спектакльде Шаркъий Анадолуда, чевре-четини юдже дагълар къаплап алгъан бир койчюкнинъ эалесининъ яшайышы акъкъында сёз кете. Койде яшагъан инсанлар дудакъ арасындан яваштан сес чыкъарып лаф эте, бар кучнен кульмеге къоркъа, сес-солукъсыз олмагъа тырыша, чюнки акси алда этрафтаки дагъларнынъ къарлары еринден кочюп койни къар тюбюнде къалдыра биле.

Ве энъ тааджиплиси шунда ки, йылда тек учь ай, бу койнинъ сакинлерининъ багъырларыны керип къычырмагъа, тюфеклерден атмагъа, тойлар этип байрамлашмагъа, бала догъурмагъа имкян ве чареси бар. Олар да телюке акъкъында тюшюнмейип эр кес киби сыкъынтысыз, шенъ-шерамет, гъам-кедерсиз яшай биле. Лякин тек учь ай, телюкесиз яз айлары.

Я къалгъан докъуз ай бу инсанлар не япалар деп сорарсынъыз? Дагъларнынъ къарлары тепренмесин деп сес-солукъ чыкъармайып, бир тюрлю шамата къопармайып, докъуз ай теляш ве къоркъуда, сюкюнет ичинде омюр кечирелер.

Сейирджилернен толу зал спектаклини буюк меракънен ве толу сукюнетте сейир этти.


Установите Flash player для полного просмотра сайта!

24 апреля 2018 г. в 18:30


26 апреля 2018 г. в 18:30