Установите Flash player для полного просмотра сайта!
  Эсас Тарих Репертуар Труппа Хаберлер Фестиваллер Макъалелер Галерея Контактлар Официальные документы  
 
Установите Flash player для полного просмотра сайта!
Установите Flash player для полного просмотра сайта!

Дата добавления: 2017-06-15

Просмотров: 1870

Омюр кузьгюси - театр

Эм кульдюрди,

эм тюшюнджеге далдырды


   6-июнь куню театромызда аджайип вакъиа, янъы спектакльнинъ премьерасы юзь берди. Бу къуванчсыз куньлерде саналаштырылгъан пьеса акъикъий тазе ава ютумы олып, адамларны зевкъландырды, хошландырды.

    Такъдим этильген спектакль – комедия. Онынъ персонажлары ве сюжети омюрден алынып, эльбет, къоюлаштырылгъан ве эджвие тарзда косьтерильген. Онынъ «Къудалар» серлевасы исе даа спектальге бармагъан инсангъа не акъкъында тасвир оладжагъыны ачыкъ-айдын бильдире.

      Пьеса пек енгиль къабул этиле, чюнки актёрлар санада ойнамай, яшайлар.          Олар бу пьесада булунгъан еринде эр бир къырым къорантасы олмакъ мумкюн. Чюнки бизим халкъымыздаки «Таттырым инаттырым» айтым эм чёль, эм орта ёлакъ, эм ялы бою сакинлеримизге мевджут. Миллий табиат, иште. Мына бу пьесада да эки акъикъий къырым акъайы аз къалалар озь балаларынынъ бахтыны бозмагъа…

    Сонъки вакъытта эки шивени къарама-къаршылаштырмакъ мот олгъан тенденция бу спектакльде де ерини тапты. Мында режиссёрнинъ гъаеси иле ялы бою шивесининъ судакъ лехджесинен чёль шивесининъ керич лехджеси такъдим этильгендир. Спектакльни театронынъ ребери Билял Билялов саналаштырды. Пьесагъа музыканы яш бестекяр Шевкет Билялов язды.

     Эбет, халкъымыз чокъ йыллар девамында – эм сюргюн этильген заманлары, эм Ватанына авдет олгъан сонъ озю сайлагъан ерде яшамады. Сюргюнликте ким къайда тюшсе, чокъсу алда анда яшады. Кутьлевий авдет йыллары чареси олгъанлар озь догъмуш койлерине къавушты, чаресизлер, къайда ерлешип олды, анда да къалдылар. Бойле этип, бизим миллетимиз къарышып кетти ве чокъсу ватандашларымыз балаларыны эвлендиргенде, къудасынынъ асыл олгъан ерини айырмайлар. Бу миллетимизнинъ бирлешмесине мусбет бир сильтемдир, лякин шиве анълашмамазлыкъларны четте къалдырмазсынъ. Эр алда пьесанынъ эсас фикири – севги эр манианы енъер. Эм де акъикъий къыйметлик будыр.

     Инат къудалар роллерини Дилявер Сеттаров ве Энвер Белялов гъает тесирли ве аджайип иджра эттилер. Эльдар Джелиловнынъ гротеск севиесинде оюныны да мытлакъа къайд этмели. Къудалар тарафларыны такъдим эткен Сеитабла Меметов, Фатма Асанова, Мустафа Къуртумеров, Наджие Якъубова, яшларны ойнагъан Нияра Менджитова ве Алим Аблаев озь роллерине сыкъы багъланып, образларны пек гузель нумайыш эттилер.

   Умумен спектакльде мешгъуль олгъан актёрлар сейирджилерни эм кульдюрмеге беджердилер, эм де тюшюнмеге сильтем бердилер. Бу тюшюнджелернинъ нетиджелерини исе озю ичюн эр инсан озю япаджакъ.

     Спектакль июнь айынынъ 15 ве 22 куньлери Менделеев сокъагъы, 5-те ерлешкен Миллий музыкалы-драма театромызда нумайыш этиледжек. Бармагъанлар мытлакъа барсынлар. Пешман этмезлер.

                                                                                            Озь мухбиримиз 

                                                                                            14.06.2017 с.


Установите Flash player для полного просмотра сайта!

18 октября 2018 г. в 18:30