Установите Flash player для полного просмотра сайта!
  Эсас Тарих Репертуар Труппа Хаберлер Фестиваллер Макъалелер Галерея Контактлар Официальные документы  
 
Установите Flash player для полного просмотра сайта!
Установите Flash player для полного просмотра сайта!

Миллий театр санасында-севги эфсанелери.

Дата добавления: 2018-07-11

Просмотров: 11

 

Миллий театр санасында-севги эфсанелери.

Дуньяда эр щей кечимджи, факъат севги эбедийдир,-текрарлады озюнинъ «Севги эфсанелери» мюзиклынынъ премьерасынен Къырымтатар академик музыкалы драма театри. Асырлар кече ,улу девлетлер дагъыла, укюмдарлар бири-бирини денъиштирелер, бутюн бир  милетлер ер юзюнден гъайып олалар ве тек тилерде дестан олгъан севгиге не девир,не тиль фаркълыгъы тесир этип ола. Севги икяесини ,анги тильде яратылмасын, эр кес бирдайын анълай, айны дуйгъуларны ис эте.

Миллий театримизнинъ санасында дюньяджа мешур, текрарланмаз дерт эсер –«Ромео ве Джульетта», «Вестсайд вакъиасы», «Опера хаялети» ве «Кармен» джанланды. Сейирджилерге истидатлы оюнларынен белли артистлер кендилерини янъы роллерде сынап бакътылар.Ве щу сынавдвн мувафакъиетли кечтилер. Сеитабла Меметов театр мухлислерининъ  къаршысына граф Капулетти , Асан Билялов Тореадор ве хаялет, Ильяс Абдукъадыров-Ромео веТони, Марлен Османов-Рауль образында чыкъып, истидатлы иджра иле акълы алгъышларны  къазан дылар. Дерт эфсаненинъ баш къадын роллерини исе Эмине Джевдетова иджра этти. О,де назик Джульетта, де сырлы Мария, де зариф Кристин, де атешин Карменге чеврилип, сейирджилерни де агъалатты ,де кульдюрди.

Спектакльде оюнларны азырлагъан белли оюнджи Мунир Аблаев, оюнларны иджра эткен театрнинъ оюн группасынынъ парлакъ оюныны айрыджа къайд этмелидир.

Спектакль ойле тюшюнильген ки, сейирджи бир севги икяеси башлангъан эсерден дигерине авушкъаны , бир девлеттен башкъасына кечкенини дуймай къалгъаны, дерт эфсане бутюн бир эсер киби такъдим олунгъанында, табий ки, режиссер Билял Билялов, эм рессам сыфатында чалышкън Ринат Бекташевнинъ хызмети буюктир.

Сонъки вакътларда чокъусы эв, турмушта ола тургъан къайнана-келин, къары-къоджа,къолум –къомшу мунасебетлери мевзусындаки спектакллерге зияде берильген театримизнинъ дюнья микъясындаки эсерлерни саналаштырмагъа джурьат эткенлери къуванчлы бир алдыр. Театр ичюн бу янъы бири севиедир.

З.Бекирова. Газета- Яны дюнья.  2018с. Июль-6 № 8


Установите Flash player для полного просмотра сайта!

17 июля 2018 г. в 18:30


26 июля 2018 г. в 18:30


11 сентября 2018 г. в 18:30