Установите Flash player для полного просмотра сайта!
  Эсас Тарих Репертуар Труппа Хаберлер Фестиваллер Макъалелер Галерея Контактлар Официальные документы  
 
Установите Flash player для полного просмотра сайта!
Установите Flash player для полного просмотра сайта!

КРЫМСКИЙ КОВЧЕГ

Дубаралы той 2


Аннотация

             Юфачыкъ бир койчикте яшагъан Осман деген фукъаре бир огълан Амет бай деген зенгин койдешининъ къызы Нияргъа севда ола. Къыз да Османны севе, лякин яшлар Амет бай оларгъа эвленмек разылыгъыны бермеджегини биле. Амма Нияр кене де умютини кесмей. Севгилисине юзюк багъышлай, къаршылыкъ севги темсили оларакъ ондан пошу ала да эвине къайта. Ёлда о Амет байнен корюше. Амет бай ялангъа урула ве Османгъа «Къызым сени алдатты ве якъында оны сорап, зенгин бир огълан сёз кесмеге келеджек», дей. Осман байгъа инанмай, лякин кене де шубеленип башлай. 

            Османнынъ къыз къардашы Айгуль Амет байны къудалар келеджегине азырламакъ ичюн онынъ эвине келе.  Бакълада фал бакъып, Османдан къудалар келип онынъ къызыны сораджагъыны айта. Амет бай Айгульге ачувланып оны азбарындан къува. Ве аджеле суретте къызы Ниярны къомшусы къасап Асангъа   бермек ниетине келе. Асан акъмакъ ве къоркъакъ ачкозь олса да, Амет бай онынъ зенгинлигине къызыша.  Амет бай хызметчиси Чомезни къасап Асмангъа ёллап оны мусафирликке давет эте. Амет бай къасап Асаннынъ зенгинлигини эльде этмекни арзулап къызыны эльверишли сатаджакъ ола. 
Амет байнынъ эвинде хызмет эткен Фериште деген тул къадын Амет бай оны яхшы ерге ишке кирсетеджегини чокътан берли умют эте. Амма языкъ ки Амет бай озь сёзюни тутмай, айткъанларыны кери ала. 
Къасап Асан исе Амет байнынъ ялварувына бойсунып, Нияргъа эвленмеге разы ола ве келин ичюн къалым бермеге ваде эте.  Къасап Асан келин бабасынынъ тевсиесини динълеп, къызнынъ пенджересине келип бир-эки тюрки йырламагъа харар ала. Чомез исе къасап Ниярнынъ козюнде Асанны акъмакъ этип косьтермек ичюн, къасап Асаннынъ  делиликлерине яландан къол тута.  Нияр къасап Асаннынъ давранышларыны джиддийге алмайып онынъ устюнден куле. 
Чомез оладжакъ той акъкъында эшитип, агъасы Османнынъ тарафыны туткъан  Айгульнен берабер Амет байны алдатып къасап Асанны Фериштеге эвлендиреджек олалар. Чомез Амет  байы джадылардан къокъкъаныны билип Айгульни джады сыфатында онынъ къаршысына чыкъмасыны тевсие эте. Айгульнен Нияр къасап Асанны келин керчектен де джады олгъанына инандыра ве ондан Фериштеге эвленеджегине сёз алалар.  Лякин Нияр ичюн къалым бермеге ве той япмасыны истейлер. 
Айгульнен Нияр, Фериште къасап Асаннен оладжакъ сёз кесимине  Ниярнынъ ерине кийинип чыкъмасына келише. 
Нетиджеде Амет байны алдатып тойгъа азырлыкъ корелер. Айны бу вакъыт Осман Ниярны хырсызлай. Ялан ачыла. Амет бай яшларнынъ эвленмесине разы олмагъа меджбур, эм де къызы ичюн къасап Асандан аладжагъыны алды. Койнинъ бутюн сакинлери Османнен Ниярнынъ ве къасап Асаннен Фериштенинъ тоюна келе. 



Просмотров: 506



Фото



Видео


Установите Flash player для полного просмотра сайта!

07 сентября 2017 г. в 18:30


12 сентября 2017 г. в 18:30